Showing posts with label te7el6em. Show all posts
Showing posts with label te7el6em. Show all posts

Thursday, 2 July 2009

hatha esamona shino ?


قضايا سعودية: الخبر
تعرضت طالبة ماجستير سعودية في الثلاثينات من عمرها صباح يوم أمس إلى منعها من العبور من قبل جوازات السعودية عبر منفذ جوازات جسر الملك فهد رغم سلامة وسريان مفعول جوازها ووجود تصريح متعدد السفر إلى الخارج ساري المفعول وغير محدد السائق صادر عن ولي أمرها بشكل نظامي بحجة أن سائق السيارة التي تستقلها هو سعودي الجنسية وغير محرم لها .
وقد أجبرتها إدارة جوازات الجسر التي راجعتها السيدة لإنصافها من هذا المنع غير المبرر بالعودة إلى مسار قدوم المسافرين نظير تسليمها الجواز وتصريح السفر ، في حين قامت السيدة على الفور باستئجار سائق فلبيني بمبلغ 200 ريال من مكتب تأجير في جزيرة الجسر وعاودت العبور من نفس المنفذ وتم لها ذلك مباشرة بدون أي تعطيل في مدة لم تتجاوز ثلث ساعة من المنع الأول ، غير أن السيدة راجعت مكتب إدارة جوازات الجسر لتستوضح الفرق بين الرجلين ، ولم تجد سوى الصمت مقابل سؤالها .
ana asameeeh ekhbaaaaaaaal !

Thursday, 18 June 2009

شهالديــــــرة




** شهالديرة اللي ..
فيها طيران عمره ما طار بالوقت .... و المضيفين يحتقرون الركاب .... وما تطير طياراتها إلا حق دكا و دكار بومبي وسيلان !!!

** شهالديرة اللي ..
محد فيها يحترم قانون المرور ، و السيارة تنساق مثل ما تنساق سيارات التصادم ... كل من يحد كل من .... وكل من يخز كل من .... وكل من يكره كل من .... وكل من يقط زبالته بالشارع .... هذا ينظف طفايته بالشارع وذاك يقط كيس الماكدونلد بالشارع وذاك ينخم بالشارع ... وذاك يطشر قطف زجارته بويه إللي وراه هم بالشارع .... وذاك ياخذ شور بالشارع ..!!! وسلم لي عالأدب !! وتقوله يالحبيب عيب ما يصير !!!! قال لك : كيفي كويتي !!!

** شهالديرة اللي ..
اللي فريقها يوصل كأس العالم سنة 1982 و يطلع الأخير بكأس الخليج سنة 2007 !!!! ويفوز بكأس آسيا سنة 1980 ... وما يقدر يوصل نفس الدورة سنة 2007 !!!!!!!

** شهالديرة اللي ..
إلي اللاعب فيها لما يسجل هدف ... ربعه ألاعبين يطبون على رئيس النادي و يبوسونه !!!!

** شهالديرة اللي ..
إللي ينطق فيها الضابط بلبسه ... و الطبيب بعيادته ... والمدرس بمدرسته ...!!!!

** شهالديرة اللي ..
كل شي فيها بالواسطة ... سرير بمستشفى بواسطة ... تعيين بوظيفة بواسطة .... موعد طبيب بواسطة . و الليسن بواسطة ... وأتدخل أعيالك مدرسة خاصة وتدفع فيها دم قلبك بواسطة .... تلعب بالمنتخب !!! هم بواسطة !!!!!!!

** شهالديرة اللي ..
أهم اهتمامات الشباب فيها إن يظبط بنات .... حتى لو غصب ... يفتح باب سيارتها غصب .... يرقمها غصب ... يتل حجابها غصب ..... شنو حرب !!!

** شهالديرة اللي ..
البنات المتحجبات يحطون قوطي نيدو تحت حجاباتهم ويقولون .... ستايل !!!!

** شهالديرة اللي ..
إللي الريال يطلع مع زوجته وكل الشباب يخزونها بلا حيا ولا مستحى ...!!! والريال فقير مو عارف شسوي !!!!

** شهالديرة اللي ..
كل شبابها معضلين !!!!!!!!

** شهالديرة اللي ..
فيها الخدامات عندهم موبايل .... !! والسايق موبايل ... والصبي موبايل ....!!! والياهل إللي عمرة 3 أيام .... موبايل !!!!

** شهالديرة اللي ..
فيها البنغالية أكثر من عدد الشعب !!!!

** شهالديرة اللي ..
لما تسب واحد مو كويتي تقوله : يالمصري !!! يالسوري !!!! ياالزلما !!!!
وهم تقوله : شفت خشمك !! طاويهك .... طا حاجبك ..... يالحافي يالمنتف .... يامعوعو ...!!!! شالحجي الماسخ !!!!

** شهالديرة اللي ..
الشعب صار له 20 سنة يتحلطم على نوعية أعضاء مجلس الأمة !!!! طيب منو انتخبهم ؟؟؟؟؟ سكان الأسكيمو !!!!!!

** شهالديرة اللي ..
فيها مذيع الراديو يظغط المتصلين !!!! كله ظغاط ظغاط ظغاط !!! وبعدين .... لو تسأل المذيع وين آيسلندا قالت يم ..... تنزانيا !!!!!!

** شهالديرة اللي ..
أشهر مذيع فيها من نوعية : مشعل شايع !!! ما يذكركم بلاري كنغ !!!!!

** شهالديرة اللي ..
التعليم الحكومي فيها تحت الصفر !! ومدرسة الابتدائي تكتب للتلميذات على اللوحة : أنتي فتات ..... يعني : إنت فتاة !!!!!!!!!!

** شهالديرة اللي ..
فيها الأوادم السنعة ضايعة .... وبشار الشطي يستقبله بالمطار 20 ألف آدمي !!!!!!!!!!

** شهالديرة اللي ..
جرايدها تكتب بالبنط العريض : أحمد داوود صورة مشرفة للشاب الكويتي !!!!!
منو أحمد داوود ؟؟؟؟؟؟؟؟؟؟؟

** شهالديرة اللي ..
الكتاب ينباع فيها بربع دينار ..... ومحد يشتري !!!!!!

** شهالديرة اللي ..
كل ما تكلم واحد قال لك : يبيله !!!!! شنو يبيله ؟؟؟؟

** شهالديرة اللي ..
كلها صراخ و نجره ولويه وسب و قذف وبوق و حرمنه ورشاوي وشراء أصوات .....
وبعدين يقولون : ديمقراطية !!!!!!!

** شهالديرة اللي ..
حطمت الأرقام القياسية بعدد المرضيات و التزرق من الدوام وبعدين يقولون :
زيدوا معاشاتناااااااااااااا !!!!!

** شهالديرة اللي ..
الكل فيها فاهم ويتفلسف لو تسأل موظف عن البورصة والعقار قام يتفلسف

** شهالديرة اللي ..
الواحد يحترم الثاني عشان فلوسة و ينادونه بو فلان ويصير فاهم و دامه خفيف .... الله يلوع جبدك
** شهالديرة اللي ..
الوافد يمد ايده على المواطن .. الوافد اقوى من المواطن

** شهالديرة اللي ..
كلها blackberry @@


LOOOOOOOOOOOOOOOOL that was funny but sadly true !! wela eshraykommmmm ???